Nadakpan ang 15 ka wanted persons kag naserbisyuhan sang warrant sa 19 ka manhunt kag warrant operations nga ginpatigayon sa nagkalain-lain nga lugar sa rehiyon sang Setyembre 16, 2026.
Suno sa Police Regional Office 12, lakip sa mga nadakpan ang anum ka Top Ten Most Wanted Persons, isa ka Most Wanted Person, kag walo ka iban pa nga wanted persons nga nagaatubang sang nagkalain-lain nga kaso.
May apat pa ka warrant operations nga ginpatigayon, apang ang mga warrant ginbalik sa nagpagwa sini nga korte bangod sa pipila ka kahimtangan, lakip na ang pagkapatay sang subject ukon pag-dismiss sang kaso.
Ginpahayag ni PRO 12 Regional Director PBGEN Alan B. Manibog nga padayon nga pagapalig-onon sang kapulisan ang manhunt operations agud maga-atubang sa nagakaigo nga korte ang mga wanted persons kag mapalig-on ang seguridad sang komunidad.
Photo Courtesy: PNP Police Regional Office 12
