Ginpasidunggan kag gin-abiabi sang Police Regional Office 12 ang 908 ka police personnel nga nagbalik matapos magserbisyo para sa seguridad sang BARMM Parliamentary Election 2026.
Ginpangunahan ni PRO 12 Regional Director PBGEN Alan B. Manibog ang Heroes Welcome and Awarding Ceremony nga ginpatigayon sa Sultan Kudarat Convention Center and Business Complex sa City of Tacurong, Setyembre 17, 2026.
Ginkilala sa seremonya ang dedikasyon, disiplina kag sakripisyo sang mga police personnel nga nagpatuman sang ila election security duties sa Bangsamoro region.
Ginpahayag ni Manibog ang iya pagpasalamat sa mga personnel bangod sa ila pagserbisyo kag propesyonalismo bisan malayo sa ila mga pamilya. Ginpasidunggan man ang mga contingents pinaagi sa awarding agud kilalahon ang ila matutom nga pagtuman sang katungdanan sa tion sang eleksyon.
