Naghiusa ang Department of Education Regional Office XII kag Commission on Population and Development XII pinaagi sa pagpirma sang Memorandum of Understanding ukon MOU para sa pagpatuman sang Regional Population and Development Plan of Action 2023 tubtob 2028.
Pinaagi sa partnership, pagapalig-onon ang koordinasyon sang duha ka ahensya sa pagpatuman sang mga programa kag intervention nga nagasabat sa mga kinahanglanon sang komunidad. Lakip sa mga ginatutukan ang kaayuhan sang mga pamatan-on, age- kag development-appropriate reproductive health education, responsable nga pagginikanan, kag learner protection.
Pinaagi sa sini nga paghiusa, ginalauman nga ang mga prayoridad sang rehiyon mahimo nga mangin konkreto kag koordinado nga mga programa para sa kaayuhan kag proteksyon sang mga learners kag kabataan sa SOCCSKSARGEN.
Photo Courtesy: DEPED REGION Xll
