Nagpala-ot sang ila mga produkto kag negosyo sa Business Pitching and Market Matching Activity ang tatlo ka homegrown brands halin sa Probinsiya sang Sultan Kudarat sang Setyembre 16, 2026, sa Ayala Abreeza Mall, Davao City.
Kabahin ini sang mga highlight sang Treasures of Region 12: BLENDS 2026, nga naghatag sang oportunidad sa mga Micro, Small And Medium Enterprises ukon MSMEs nga makilala sang mas madamo nga potential buyers.
Nag-upod sa aktibidad ang Gacayan General Merchandise, PMTZ Care Marketing, kag Sultan Kudarat Coffee Ventures, Inc., nga mismo nagpresentar sang ila mga produkto sa mga potential buyer nga gin-imbitar sang DTI Region 12.
Pinaagi sa market matching, ginalauman nga magdugang ang business linkages, makasulod sa mas malapad nga merkado, kag magbukas sang bag-o nga oportunidad para sa mga lokal nga negosyante sang Sultan Kudarat.
Ginpahayag nga ang aktibidad isa ka importante nga plataporma agud mapalapad ang merkado kag mapabakod ang mga negosyo nga produkto sang Sultan Kudarat.
Photo Courtesy: DTI Sultan Kudarat
