Gilauman nga maghatag og rekomendasyon ang Land Transportation Franchising and Regulatory Board o LTFRB karong Oktubre bahin sa posibleng pagsaka sa plete, tungod sa padayon nga pagsaka sa presyo sa gasolina ug diesel.
Sumala ni Department of Transportation Secretary Giovanni “Banoy” Lopez, gimandoan niya ang LTFRB nga susihon ang tanang factors sa dili pa maghimo og rekomendasyon. Matud niya, paningkamotan sa gobyerno nga dili ipasa sa mga commuter ang kabug-aton sa pagsaka sa presyo sa lana ug mangita usab og paagi aron matabangan ang mga transport groups.
Samtang, ningsemana nagpahigayon og duha ka adlaw nga nationwide strike ang transport group nga MANIBELA, diin ilang gipangayo ang konkretong ayuda ug mga lakang batok sa epekto sa taas nga presyo sa petrolyo. Matud sa grupo, dakong bahin sa adlaw-adlaw nga kita sa mga drayber ang gigasto alang sa gasolina ug diesel.
Niadtong Septiyembre 15, misaka pag-usab ang presyo sa gasolina og labing menos lima ka pesos kada litro, diesel og upat ka pesos, ug kerosene og upat ka pesos ug 60 sentimos. Sa year-to-date adjustment hangtod Septiyembre 8, mikabat na sa 59 pesos ug 32 sentimos ang net increase sa gasolina, 60 pesos ug 46 sentimos sa diesel, ug 53 pesos ug 45 sentimos sa kerosene.
Photo Courtesy:Wikipedia
