Gipakita sa aktres nga si Ellen Adarna ang iyang nadawat nga kwarta nga iyang giingong binulan nga sustento gikan kang John Lloyd Cruz para sa ilang anak nga si Elias.
Sa iyang Instagram Reel, nagpakita si Ellen og makalingaw nga video diin daw “ginasampal” siya sa mga patong-patong nga kwarta. Gipangutana usab niya sa iyang mga followers ang ilang pinakanindot ug kataw-anan nga caption para sa maong video.
Apan tungod sa maong post, adunay mga netizen nga nangutana kung asa gikan ang kwarta ug adunay nangayo usab kaniya og “boyfriend reveal.” Gitubag kini ni Ellen ug gipatin-aw nga ang kwarta mao ang binulan nga sustento ni John Lloyd para sa ilang anak.
Gisultihan usab ni Ellen ang mga netizen nga wala siyay bag-ong uyab, bisan pa sa mga espekulasyon nga mikaylap sa social media. Samtang nagpadayon ang diskusyon sa iyang post, wala maghatag si Ellen og dugang detalye bahin sa eksaktong kantidad sa sustento.
Photo Courtesy: Tatler Asia
