Gi-display sa DTI-Lanao del Norte ang nagkalain-laing produkto gikan sa lubi atol sa CoconutPhilippines Mindanao Trade Fair 2026 nga gipahigayon sa Ayala Malls Abreeza sa Davao City ning bagohay pa lamang.
Tumong sa kalihukan nga ang mga produkto sa mga lokal nga negosyante sa Lanao del Norte mas mailhan ug mas daghan pa ang makapalit niini.
Apil sa mga lokal nga negosyante nga miapil ang Summer Juice Manufacturing, Meranao Palapa Processing Enterprise ug Laregina Coconut Products Manufacturing.
Pinaagi sa trade fair, gihatagan usab og higayon ang mga lokal nga negosyo nga makakita og bag-ong kliyente ug oportunidad alang sa ilang negosyo.
