Gitinguha sa Philippine Health Insurance Corporation (PhilHealth) Regional Office IX nga makompleto ang 75 ka klase sa tambal nga mahimong ma-avail sa mga miyembro pinaagi sa YAKAP Gamot Pharmacies.
Atol sa ambush interview sa grupo sa media ngadto kang Paolo Johann C. Perez Regional Vice President sa PhilHealth Regional Office IX, siya miingon gumikan nga bag-o pa lang nagsugod ang programa ug wala pa halos nakumpleto ang mga tambal ky nag focus pa lang sila sa pagpadaghan sa mga magpa-akredit
Segun ni Perez, pinaagi sa YAKAP Gamot Pharmacies, mahimong makakuha ang kwalipikadong mga miyembro og mga giresetang tambal nga sakop sa programa, depende sa ilang kondisyon ug sa reseta sa YAKAP doktor.
Segun niya, padayon ang ilang koordinasyon tali sa mga Yakap Gamot Pharmacies aron masiguro nga kompleto ug available ang mga tambal nga gikinahanglan sa tanang mga miyembro.
Gidasig usab niya ang mga miyembro nga magparehistro ug magpa-konsulta sa YAKAP-accredited health facilities aron makapahimulos nga libre sa mga tambal nga nalakip sa listahan sa Yakap Gamot.
