Gitunol sa Technical Education and Skills Development Authority (TESDA) Zamboanga del Sur ang mokabat sa ₱489,600 nga Training Support Fund ngadto sa 114 ka mga benepisyaryo atol sa Handog ng Pangulo nga gipahigayon sa Mega Gym, Provincial Government Complex, Dao, Pagadian City, adlaw’ng Lunes, Septyembre 14, 2026.
Ang maong pondo gihatag alang sa mga benepisyaryo sa Nail Care NC II, Visual Graphic Design NC III, ug Diploma programs sa Food ug Information and Communications Technology (ICT).
Kabahin kini sa mga serbisyo sa TESDA Zamboanga del Sur aron matabangan ang mga benepisyaryo sa ilang pag-eskwela ug pagkat-on ug mga kahanas nga magamit sa pagpangita og trabaho o panginabuhian.
Gawas sa Training Support Fund, naghatag usab ang TESDA og scholarship vouchers ug nag-abli og on-site registration alang sa ubang scholarship programs.
Anaa usab ang career profiling, assessment services, ug skills demonstrations alang sa mga jobseeker ug mga gustong makakuha ug technical-vocational skills.
PHOTO COURTESY: TESDA ZAMBOANGA PENINSULA
