Nadala sa balay tambalanan ang driver ug ang backrider sa usa ka single motor human sa panagbangga tali sa usa ka Mitsubishi Strada sa Purok Santan, Barangay Cogon, Vincenzo Sagun, Zamboanga del Sur, adlawng Lunes, Setyembre 14, 2026.
Gimaneho ang puti nga Mitsubishi Strada sa usa ka 55 anyos nga lalaking negosyante, residente sa Bayog, Zamboanga del Sur, samtang ang single motor XRM gimaneho sa usa ka lalaking hingkod ang panuigon ug residente sa Margosatubig, sakay iyang backrider nga 39- anyos lalaki, taga Vincenzo Sagun, Zamboanga del Sur.
Sa inisyal nga imbestigasyon sa mga kapulisan, ang sakyanan nagbyahe paingon sa syudad sa Pagadian samtang ang single motor paingon usab sa Vincenzo Sagun dihang aksidente nga nagkabangga ang duha ka mga sakyanan sa tunga sa kalsada.
Tungog niini, ang driver ug backrider sa motorsiklo nakaangkon ug mga samad ug bun-og sa lawas ug gidala dayon sa tambalanan alang sa dinaliang pag-atiman, samtang wala ra maunsa ang driver sa Mitsubishi Strada.
Human sa hitabo ang duha ka mga sakyanan lakio ang driver sa Mitsubishi Strada gidala na sa buhatan sa Vincenzo Sagun Municipal Police Station alang sa dugang pang imbestigasyon.
Photo Courtesy:PIO, ZSPPO
