Napahigayon ang Handog ng Pangulo: Serbisyong Sapat Para sa Lahat 2026 nga gipahigayon sa Mega Tent, Provincial Capitol Grounds, Nabunturan, Davao de Oro niadtong Setyembre 14.
Nagtigom sa maong kalihokan ang 21 ka National Government Agencies o NGAs uban ang Provincial Government of Davao de Oro aron mas mapaduol sa katawhan ang nagkalain-laing serbisyo, programa ug ayuda sa gobyerno. Nakatambong usab isip representante ni President Ferdinand R. Marcos Jr. si DOLE Undersecretary Warren M. Miclat.
Lakip sa aktibong miapil ang Department of Agrarian Reform o DAR Davao de Oro, nga nagpahigayon og seremonyal nga pag-apod-apod sa farm machineries and equipment, livelihood assistance, ug processing center alang sa mga Agrarian Reform Beneficiaries Organizations o ARBOs.
Unom ka ARBOs ang nakadawat sa ilang Certificate of Turnover and Acceptance alang sa mga proyekto ug tabang nga gihatag sa DAR isip suporta sa ilang panginabuhian, produksyon ug pagpalambo sa ilang agricultural enterprises.
Gipangulohan ang kalihokan nila Governor Engr. Raul G. Mabanglo, Congresswoman Maricar S. Zamora-Mabanglo, mga opisyal sa DAR Central Office, ug mga personnel sa DAR Provincial Office Davao de Oro.
Sa afternoon session, gipaduol usab sa DAR ang Legal Consultation ug Agrarian Reform Service Center, diin nakadawat og legal nga giya, impormasyon ug assistance ang mga benepisyaryo ug uban pang partisipante may kalabotan sa agrarian reform programs and services.
Naghatag usab og mensahe si Governor Mabanglo ug nipadayag sa iyang birthday greeting alang kang President Ferdinand R. Marcos Jr., isip pagpasalamat sa suporta ug mga programa sa national government alang sa Davao de Oro.
