Nagpadayon ang musical excellence sang Notre Dame of Siena College of Tacurong matapos ini liwat nga nagdaog bilang Champion sa Talakudong Drum & Lyre Competition 2026, kag nagkuha sang back-to-back championship title.
Ginpakita sang mga estudyante sang Notre Dame of Siena ang ila precision, disiplina, creativity kag musicality pinaagi sa mabaskog nga drumbeats, synchronized movements kag makawiwili nga performance.
Ang ila maayo nga pagpasundayag nakakuha sang pagdayaw sang mga manan-aw kag judges, nga nagbutang sa ila sa pinakauna nga pwesto sa sini nga tuig nga kompetisyon.
Nakuha naman sang Rajah Muda National High School ang first runner-up, samtang Abang Suizo Integrated School ang second runner-up. Ini nga kadalag-an nagapakita sang talento kag dedikasyon sang mga estudyante sa musika kag nagdugang sa pagsaulog sang Talakudong Festival 2026.
