Ginapauswag sang Food Life SLP Association ang lokal nga produkto kag pangabuhian sa Barangay Paitan, Esperanza, pinaagi sa pagproseso sang mga produkto halin sa lokal nga ani.
Nag-umpisa ang grupo bilang Paitan Rural Improvement Club ukon RIC sang 2015. Lakip sa ila ginaproduce ang calamansi juice kag concentrate, banana chips, salted peanuts, kag atsara.
Bisan nag-atubang sang kakulang sa kapital, teknikal nga ihibalo kag merkado, kag naapektuhan pa sang pandemya, nakabalik ang organisasyon sa operasyon pinaagi sa padayon nga partisipasyon sang mga miyembro kag suporta sang gobyerno.
Pinaagi sa Department of Trade and Industry, nakabenepisyo ang grupo sa nagkalain-lain nga training kag sang 2024, nakabaton sang Shared Service Facility para sa Calamansi Processing.
Sang 2025, nangin benepisyaryo ini sang DSWD Sustainable Livelihood Program kag nakabaton sang P290,000.00 nga proyekto para sa kagamitan, materyales kag hilaw nga produkto.
Padayon man sila nga nagapartisipar sa trade fairs kag market-matching activities para mapalapad ang merkado.
Photo Courtesy: DTI Sultan Kudarat
