Nagpartisipar si PLTGEN Bernard M. Banac, TDCA, nga nagrepresentar kay PNP Chief PGEN Jose Melencio C. Nartatez Jr., sa ikaapat nga “Pagpupugay ng Bansang Makabayan: An Assembly and Thanksgiving” para sa mga benepisyaryo sang Comprehensive Social Benefits Program ukon CSBP.
Ginpatigayon ang aktibidad sang Setyembre 14, 2026 sa Sultan Kudarat Convention Center sa Tacurong City, kaupod si Sultan Kudarat Governor Datu Pax Ali S. Mangudadatu kag mga opisyal sang PNP.
Gintambungan ang nasambit nga programa sang mga CSBP beneficiaries kag PNP officials bilang pagkilala sa padayon nga suporta sang programa para sa mga pulis kag ila mga pamilya.
Suno kay PRO 12 Regional Director PBGEN Alan B. Manibog, importante ang mga programa nga nagahatag sang konkreto nga bulig kag nagaproteher sa kaayuhan sang PNP family. Ginpahayag niya nga padayon nga suportahan sang organisasyon ang mga programa para sa kaayuhan sang mga kapulisan kag ila pamilya.
