Plano sa kagamhanang lokal sa dakbayan sa Iligan ang pagtukod og 14 ka YAKAP Clinic ubos sa programa sa national government pinaagi sa PhilHealth, aron mas mapaduol sa mga Iliganon ang serbisyo panglawas ug malikayan ang pagrabe sa mga sakit.
Kini ang iyang giluwatang pamahayag ni Charles Raiñer C. Marquez, Medical Officer III sa City Health Office, atol sa paghinabi sa Juander Radyo Iligan News Team kaganinang buntag Setyembre 14, 2026.
Matud ni Marquez, nga pito na sa target nga 14 ka YAKAP Clinic ang nag-operate sa syudad. Tumong niini nga mas dali makapangita og health facility ang mga residente, ilabina kadtong nagpuyo sa mga lugar nga layo sa sentrong bahin sa siyudad, aron maka-avail sa mga benepisyo sa programa kung sila magkasakit.
