Gikalipay sa lokal nga panggamahanan sa dakbayan sa Iligan ang latest advisory sa Energy Regulatory Commission (ERC) nga nagmando sa pagrecalculate sa electricity charges sa August 2026 supply billing period ubos sa Regional Secondary Price Cap (SPC) Ang maong lakang gisunod human misaka pag-ayo ang presyo sa Wholesale Electricity Spot Market o WESM sa Mindanao, nga usa sa mga hinungdan sa pagsaka sa bayranan sa kuryente sa mga konsumante.
Gimandoan sa ERC ang mga Distribution Utilities nga maghulat sa final WESM charges gikan sa Independent Electricity Market Operator of the Philippines (IEMOP) sa dili pa ipagawas ang September customer billings, aron ma-reflect ang tukmang recalculated charges.
Sumala sa LGU-Iligan, importante kini nga lakang alang sa mga konsumante, ilabina sa mga Iliganon nga nabug-atan sa pagsaka sa bayranan sa kuryente.
Padayon usab nga subayon sa LGU ang implementasyon niini aron masiguro nga kung adunay angay nga adjustment o relief, kini makita ug ma-reflect sa electricity bill.
Photo Courtesy: LGU-Iligan
