Miabot sa 172 ka mga senior citizen sa Tacloban City ang nakadawat og tag-₱10,000 nga cash gift gikan sa gobyerno niadtong Nobyembre 5, 2026, atol sa distribusyon nga gipahigayon sa Tacloban Office of the Senior Citizen Affairs (OSCA).
Gipangunahan sa National Commission of Senior Citizens (NCSC) ug OSCA ang pag-apod-apod sa pinansyal nga ayuda alang sa mga senior citizen nga nakaabot sa edad nga 80, 85, 90 ug 95 anyos, subay sa Republic Act No. 11982 o Expanded Centenarians Act.
Pinaagi sa maong balaod, gihatagan og pag-ila ug pinansyal nga gasa ang mga senior citizen sa ilang pag-abot sa gitakdang pangidaron isip pagpasidungog sa ilang taas nga kinabuhi ug kontribusyon sa katilingban.
Photo courtesy: Tacloban Information Office
