Nagpadayon karon ang lalom nga imbestigasyon sa Lupon Municipal Police Station kabahin sa usa ka patay’ng lawas sa babaye nga nakaplagan sulod mismo sa iyang panimalay sa Prk. Santo Rosario, Brgy. Poblacion, Lupon, Davao Oriental.
Sumala sa taho naila ang biktima sa alyas nga ‘Nora’, 32-anyos. Nasayrang anaa na sa state of decomposition ang maong lawas dihang namatikdan sa mga kasilinganan niini niadtong Nobyembre 4, 2026.
Sa pagkakaron nagpadayon ang mga kapulisan sa pagpahigayon og imbestigasyon aron matino ang tinuod nga hinungdan sa pagkamatay sa biktima ug masuta kung adunay foul play nga nahitabo.
Samtang, nanawagan ang mga otoridad sa publiko nga adunay posibleng impormasyon kalabot sa maong insidente nga makigtambayayong kanila aron makatabang sa pagpadali sa imbestigasyon.
