Gipasabot ni Ceazar A. Gusto D. Calio, Account Analyst II sa Pag-IBIG Fund Nabunturan , ang kamahinungdanon sa pagpanag-iya og kaugalingong balay alang sa matag Pilipino, ilabina sa mga lumulupyo sa Davao de Oro.
Sa pakighinabi sa maong opisyal sa Juander Radyo News Team milabayng duha ka adlaw, iyang napahibalo sa publiko ang nagkadaiyang programa sa Pag-IBIG Fund nga nagtumong sa pagtabang sa mga Pilipino nga makabaton og kaugalingong puy-anan.
Lakip sa iyang gipahibalo mao ang umaabot nga Mindanao Housing Loan Fair nga ipahigayon sa SMX Lanang, ikatulong andana, sa Davao City, sa Nobyembre 12 ug 13 ning tuiga.
Pinaagi niini nga kalihokan, gilauman nga mas daghang mga residente ang makaila sa mga oportunidad ug serbisyo sa Pag-IBIG Fund alang sa pag-angkon og kaugalingong panimalay.
