Gipakusgan sa mga personahe sa Cateel Municipal Police Station ang ilang police visibility ug mga lakang sa seguridad sulod ug gawas sa nagkadaiyang tulunghaan sa munisipyo sa Cateel niadtong Nobyembre 6, 2026.
Gipangunahan kini ni Pat Lojie C. Enriquez, Mobile Patroller, ubos sa pagdumala ni PMAJ Romie L. Baintin, Acting Chief of Police (ACOP), kauban ang PAC-TF, BPATS ug Bantay Bayan sa Barangay Poblacion.
Kabahin sa maong kalihokan ang pagpahigayon og police visibility, dayalogo sa komunidad ug pagtambong sa seremonya sa pagpataas sa bandila isip suporta sa kampanyang Oplan Balik Eskwela 2026. Gibantayan usab sa mga kapulisan ang dagan sa trapiko sa Cateel Central Elementary School (CCES), Cateel Vocational High School (CVHS) ug Maryknoll Academy of Cateel (MAC) aron masiguro ang kaluwasan sa mga estudyante, ilabina sa ilang pagsulod sa tagsa-tagsa nilang tulunghaan.
Pinaagi niini, gipakita sa Cateel MPS ang padayon nga paningkamot sa pagpanalipod sa mga estudyante ug pagpalig-on sa koordinasyon tali sa kapulisan, mga eskwelahan ug komunidad alang sa mas luwas nga palibot sa pagkat-on.
Photo courtesy: Cateel MPS
