Nakadawat sa usa ka Silver Award ang lungsod sa Pantukan, Davao de Oro atol sa DOH XI Harmonized Health Awards – Pasidungog 2026 nga gipahigayon niadtong Nobyembre 6 sa Red Lantern Restaurant, Davao City.
Nailhan ang Pantukan isip Indak Pangkalusugan – Silver Awardee, lakip ang Indak Kaunlaran, isip pag-ila sa mga nahimo sa lungsod sa pagpatuman ug pagpalambo sa mga programa nga nagtumong sa pagpauswag sa kahimsog sa katawhan.
Gidawat ang maong pasidungog ni Municipal Health Officer Dr. Niña Kristine Arancon-Olaco, kauban si Medical Technologist Sallie H. Miel, nga nagrepresentar sa Municipal Health Office.
Gipakita sa maong kalampusan ang kontribusyon ug dedikasyon sa Municipal Health Office sa paghatag og serbisyo panglawas ug pagpalig-on sa mga programa alang sa mga residente.
Padayon usab ang paningkamot sa lokal nga pangagamhanan sa Pantukan sa pagpalambo sa mga serbisyo panglawas aron mas daghang lumulupyo ang makabenepisyo sa mga programa sa panglawas.
Photo courtesy: Municipality of Pantucan
