Gipalig-on sa lokal nga panggamhanan sa Baybay City ang suporta niini sa edukasyon pinaagi sa pagpangapod-apod og mga libro ug learning materials ngadto sa mga estudyante nga Grade 4 hangtod Grade 10, isip kabahin sa Literacy and Numeracy Support Program nga nagtumong sa pagpalambo sa abilidad sa mga bata sa pagbasa. Gipahigayon kini didto sa Baybay City Hall niadtong nakalabay nga adlaw.
Pinaagi sa maong inisyatiba, gitutokan sa siyudad ang pagsulbad sa kakulang sa comprehension sa mga estudyante, pagpalig-on sa ilang batakang kahanas sa pagbasa ug pagpaayo sa ilang academic performance. Naggahin usab ang Sangguniang Panlungsod og espesipikong pondo alang sa mga programa nga makatabang sa pagpalambo sa reading ug numeracy skills sa mga tinun-an.
Mapasalamaton usab ang mga estudyante gikan sa Baybay National High School nga usa sa mga mahatagan sa maong libro diin matud nila, nga dako kining tabang nila hilabi na sa ilang pag ug pagkat-on ug eskwela.
Ang Schools Division of Baybay City maoy modumala sa pag-apod-apod sa mga learning materials ngadto sa mga estudyante gikan sa Grade 4 hangtod Grade 10 aron masiguro nga mahatagan og dugang suporta ang mga nanginahanglan niini
Photo courtesy: LGU Baybay
