Nadakpan sa kapulisan ang usa ka lalaki nga giilang si alyas “Jay,” 43-anyos, ug residente sa District I, Poblacion, Babatngon, Leyte ug nalakip sa Top 7 Provincial-Level Most Wanted Persons sa Laguna tungod sa tulo ka kaso sa giingong pag-abuso sa bata o paglapas sa Republic Act No. 7610, nga nailhang Special Protection of Children Against Abuse, Exploitation and Discrimination Act atol sa gipahigayong operasyon sa kapulisan didto Barangay Barayong, Palo, Leyte, kagahapong adlawa.
Sumala sa kapulisan, mag-atubang og tulo ka ihap sa paglapas sa Section 5(b), Article III sa RA 7610, pinasikad sa warrant of arrest nga giisyu sa korte. Girekomendaran og piyansang 200 mil pesos matag kaso, nga mokabat sa kinatibuk-ang 600 mil pesos alang sa tulo ka kaso.
Sa pagkakaron, anaa sa kustodiya sa Palo MPS ang dinakpan alang sa dokumentasyon ug uban pang saktong proseso sa dili pa itugyan ngadto sa korte nga nag-isyu sa maong warrant.
Photo courtesy: LPPO
