Boluntaryong gitugyan sa usa ka residente sa Poblacion District 4, Burauen, Leyte, ngadto sa Burauen Municipal Police Station (MPS) ang usa ka loose firearm niadtong Nobyembre 5, 2026, isip pagsuporta sa kampanya sa Philippine National Police (PNP) batok sa mga ilegal nga armas o Kontra Boga.
Ang gitugyan nga armas usa ka kalibre .38 nga rebolber nga walay serial number. Gidawat kini sa mga personnel sa Burauen MPS ubos sa pagpanguna ni PLTCOL Alan T. Camasin, Chief of Police, isip kabahin sa kampanya nga gipalig-on sa Leyte Police Provincial Office (LPPO) ubos sa pagpangulo ni PCOL Celerino M. Sacro Jr., Provincial Director.
Sa pagkakaron, anaa na sa kustodiya sa Burauen MPS ang maong armas alang sa hustong pagtipig ug pagproseso subay sa naglungtad nga mga lagda ug regulasyon. Ang boluntaryong pagtugyan kabahin sa paningkamot sa kapulisan nga maminusan ang presensya sa mga loose firearm ug mapalambo ang kalinaw ug seguridad sa komunidad.
Photo courtesy: Burauen MPS| fb page
