Gipasidunggan si Dr. Jefferson A. Hora, Dean sa College of Engineering sa Mindanao State University–Iligan Institute of Technology o MSU-IIT, human siya maapil sa 2026 Metrobank Foundation Outstanding Filipinos alang sa mga magtutudlo sa higher education.
Nakadawat usab siya og pagila gikan sa Senado pinaagi sa Senate Resolution Nos. 629 ug 636. Nailhan si Dr. Hora sa iyang pagpangulo sa MSU-IIT Microelectronics Research Lab nga nagpalambo sa semiconductor innovation ug Integrated Circuit o IC design.
Pinaagi niini, gipalig-on ang mga lokal nga talento sa microchip technology ug gipadayon ang paningkamot nga mapahimutang ang Iligan ug Mindanao isip usa sa mga sentro sa semiconductor innovation sa nasod.
