Gihangyo ni PSSg. Marie Malagayo, Team Leader sa Task Force OSAEC Iligan, ang mga ginikanan nga kanunay bantayan ug giyahan ang ilang mga anak, ilabina sa ilang paggamit sa gadgets ug pag-access sa internet.
Matud niya, importante nga nahibalo ang mga ginikanan kung asa moadto ang ilang mga anak, unsa ang ilang ginabuhat online, ug unsay angay nga limitasyon sa paggamit sa gadgets aron malikayan ang mga peligro nga may kalabotan sa OSAEC o Online Sexual Abuse and Exploitation of Children.
Gipasabot ni Malagayo nga dili kaya sa kapulisan nga sila lamang ang mag-monitor sa tanang kalihokan sa mga kabataan online tungod sa kadak-on sa internet.
Dugang pa niya, nga ang unang responsibilidad anaa sa mga ginikanan—ang pag-edukar sa ilang kaugalingon bahin sa OSAEC, paggiya sa mga anak, ug pagpanalipod kanila batok sa mga hulga sa online world.
Padayon, ang aktibong pag-apil sa mga ginikanan aron masiguro ang kaluwasan sa mga kabataan, ilabina sa paggamit sa social media ug uban pang online platforms.
