Dili konsintihon sa Police Regional Office 10 o PRO-10 ang bisan kinsang police personnel nga makalapas sa katungod sa mga kababayen-an o makahimo og bisan unsang matang sa pag-abuso ug paglapas sa balaod.
Matud ni PRO-10 Spokesperson Police Major Joan Navarro, ang sunod-sunod nga mga reklamo batok sa mga police personnel nagpakita usab sa pagsalig sa katawhan sa rehiyon ngadto sa kapulisan.
Gipasabot ni Navarro nga taas ang pagsalig sa publiko sa PRO-10 ug dili kini modapig sa mga police personnel nga makalapas sa balaod o malambigit sa mga sayop nga binuhatan.
Kahinumdoman nga sunod-sunod na ang mga reklamo nga nadawat sa PRO-10 batok sa pipila ka police personnel nga giingong nalambigit sa malisyosong mga binuhatan batok sa mga kababayen-an.
Subay niini, gipasiugda sa PRO-10 ang pagpatuman sa hustong proseso ug pagpanubag sa bisan kinsang police personnel nga mapamatud-ang nakalapas sa balaod o sa katungod sa uban.
