Pilason ang isa ka 20-anyos nga babae nga isa ka estudyante matapos ginluthang sang armado nga mga lalaki sa Barangay Salaman, Lebak, Sultan Kudarat,gab-i sang Martes, Setyembre 8, 2026. Suno sa Lebak Municipal Police Station kag Sultan Kudarat Provincial Police Office, nagapauli na ang biktima kag ang iya kaupod halin sa isa ka school event sang gintambangan sila sa madulom nga bahin sang Purok Kape 1.
Naigo sang bala ang estudyante sa iya hita kag gilayon gindala sa isa ka balay-bulolngan para mahatagan sang nagakaigo nga pagbulong. Madasig naman nga nakapalagyo ang mga suspek nga sakay sang wala pa matumod nga sahi sang motorsiklo.
Padayon ang imbestigasyon sang kapulisan kag mga barangay officials para makilala ang mga responsable kag mapasakaan sang nagakaigo nga kaso.
Photo Courtesy: Wikipedia
