Gusto na ni Tyson Fury nga dili na ipadayon ang giplanong panag-atubang nila ni Anthony Joshua. Ang maong duwa unta mahimong all-British heavyweight showdown, apan nasuko si Fury tungod sa dugay nga pagdesisyon ni Joshua bahin sa ilang away.
Gitawag pa ni Fury si Joshua nga “talawan” tungod sa dugay nga pagpili niini kung ipadayon ba ang ilang giplanong pagnagsangka. Gikatakda unta sa Nobyembre ang ilang laban, apan hangtod karon wala pa’y pinal nga desisyon kung asa kini ipahigayon.
Tungod niini, gihagit na lamang ni Fury si Oleksandr Usyk alang sa ilang ikatulong panag-atubang. Si Usyk, ang Ukrainian boxer ug kasamtangang two-time undisputed heavyweight champion, mao usab ang nagtabang sa pag-andam ni Joshua alang sa iyang mga sunod nga laban.
Duha na ka higayon nga napildi si Fury batok kang Usyk. Kung madayon ang ilang trilogy fight, mahimong higayon kini alang kang Fury nga makabawi batok sa Ukrainian champion ug mangita og unang kadaugan batok kaniya.
Photo Courtesy:instagram
