Nakasulod sa Top 12 finalists sa Miss World 2026 ang pambato sa Pilipinas nga si Asia Rose Simpson, human sa kompetisyon nga gihimo sa Nha Trang, Vietnam niadtong Septiyembre 5. Bisan wala kini makapadayon sa Top 6 human sa pagpili sa mga kandidata nga nakalahutay sa sunod nga hugna sa kompetisyon.
Atol sa question-and-answer portion, gipangutana si Simpson kung unsang aspeto sa iyang gigikanan ang gusto niyang masabtan sa tibuok kalibutan ug unsaon niya kini pagdala isip usa ka beauty queen.
Sa iyang tubag, iyang gipasidunggan ang iyang Pilipino ug Amerikano nga kagikan, samtang gipasiugda ang kalig-on, pagkamaabiabihon, gugma sa pamilya ug panaghiusa isip mga mithi nga gusto niyang ipaambit sa kalibutan.
Photo Courtesy: @asiarosesimpson instagram
