Ipadala sa Pilipinas ang pito ka mga boksingero aron makigbatok sa umaabot nga Asian Games nga ipahigayon sa Aichi ug Nagoya, Japan gikan Setyembre 19 hangtod Oktubre 4. Sumala ni Association of Boxing Alliances of the Philippines (ABAP) President Marcus Manalo, nasayod ang mga atleta sa dakong hamon nga kinahanglang matapos na ang taas nga pagkauhaw sa nasod sa medalyang ginto ug maghakot og mga medalya.
Pangunahan ang team sa mga Olympic medalists nga sila Nesthy Petecio, Aira Villegas, Carlo Paalam, ug Eumir Marcial, uban pa nilang Riza Pasuit, Junmilardo Ogayre, ug Norlan Petecio. Samtang, magdepende pa ang opisyal nga pag-apil ni Marcial sa mahimong resulta ug kahimtang niini human sa iyang propesyonal nga away sa Setyembre 19—duha ka adlaw sa dili pa magsugod ang kompetisyon sa boxing.
Sa kasamtangan, gikan na sa usa ka training camp sa Thailand ang pambansang koponan ug nakatakda silang molupad patungong Japan karong Setyembre 21 alang sa ilang katapusang pagpangandam. Katapusang nakakuha og gintong medalya ang Pilipinas sa Asian Games noong 2010 sa Guangzhou, China pinaagi ni Rey Saludar sa 52-kilogram division, ug sukad niadtong panahona, puro na lamang silver ug bronze nga medalya ang nadala sa mga boksingero sa nasod
Photo Courtesy: Sports Corner PH
