Gituman ni komedyante ug talent manager nga si Ogie Diaz ang iyang dugay nang saad sa anak nga si Erin Diaz human kini magsaulog sa ika-25 nga adlawng natawhan niadtong Agosto 29.
Nakadawat si Erin og ₱1 milyon gikan sa iyang amahan tungod kay miabot siya sa edad nga 25 nga wala pa magminyo ug wala pa makaanak.
Matud ni Ogie, gusto niya nga ma-enjoy una sa iyang mga anak ang ilang pagkabatan-on, makapokus sa ilang karera ug mga pangandoy, ug maandam ang ilang kaugmaon sa dili pa mosulod sa kinabuhi nga minyo.
Plano usab ni Erin nga gamiton ang ₱1 milyon isip kapital sa coffee shop nga iyang pangandoy nga tukoron, samtang ang ubang anak ni Ogie makadawat usab sa maong kantidad kung matuman nila ang samang kasabutan.
Photo Courtesy: instagram
