Arestado ang usa ka lalaki sa Japan nga giingong nakig-date sa halos 40 ka babaye ug gihatagan niini ang matag usa kanila og lain-laing petsa sa iyang adlawng natawhan aron makadawat og mga regalo.
Giila ang maong lalaki nga si Takashi Miyagawa, 39-anyos, diin niadtong higayona nagtrabaho kini isip marketing employee sa usa ka kompanya nga namaligya og hydrogen water shower heads.
Subaysa report, giingong nakaila siya sa mga babaye pinaagi sa iyang trabaho ug wala niini gibutyag ang tinuod niya nga adlawng natawhan gani nihatag siya og nagkalain-laing petsa ngadto sa iyang mga ka-date.
Dugang pa niya, nga sa una niyang nakauban bulan sa Pebrero petsa 22 ang iyang adlaw’ng natawhan, samtang Hulyo ug Abril usab ang iyang gisulti sa ubang mga babaye.
Nasayran, nga ang iyang tumong mao ang pagpangayo og kwarta ug mga regalo gikan sa matag babaye nga iyang makauban gani nakatigum kini og mga gift card sama sa mga regalo nga mikabat sa 100,000 yen ug ang usa ka babaye nihatag og 200,000 yen.
Human sa pagpangilad sa maong lalaki, nagkasinabot ang mga babaye nga isumbong sa kapulisan nga miresulta sa iyang pagkadakop.
Photo Courtesy: Instagram
