Giplano sa PhilHealth nga ipaubos ang out-of-pocket health expenses sa mga pamilyang Pilipino gikan sa 41.2% karon ngadto sa 37.8% sa 2028, nga nagkinahanglan og gibanabanang ₱800 bilyon nga pondo.
Lakip sa mga lakang ang pag-standardize sa professional fees, advance payments o global budget para sa mga ospital, ug pakigtambayayong sa HMOs aron madugangan ang health benefit coverage.
Giapil usab sa diskusyon ang kakulang sa PhilHealth coverage sa pagbayad sa tibuok hospital bill. Matod ni PhilHealth President Dr. Beverly Ho, bisan misaka na ang coverage, dili gihapon kini igo sa kadaghanan sa mga kaso, busa nagtinguha ang ahensya nga dugangan pa ang suporta ug coverage alang sa mga miyembro.
Photo Courtesy: PNA
