Gipili ni Filipina tennis star Alex Eala nga irepresentar ang Pilipinas sa umaabot nga Aichi-Nagoya Asian Games bisan natunong kini sa WTA 1000 China Open sa Beijing.
Matod ni Eala, lahi ang pagbati sa pagdula para sa nasud ug mas espesyal alang kaniya ang pagrepresentar sa Philippine team. Gipasabot niya nga daghan siyang maayong handumanan sa iyang pag-apil sa national team, ilabina human niya makadaog og gold medal sa Southeast Asian Games sa Thailand.
Si Eala, nga kasamtangang world No. 18, gilaumang mahimong usa sa favorites sa women’s singles event sa Asian Games. Kung makadaog siya og gold, mahimo siyang unang Filipina nga makakuha sa maong titulo sa women’s singles sa Asiad.
Sa iyang unang Asian Games appearance sa Hangzhou niadtong 2023, nakakuha si Eala og bronze medals sa women’s singles ug mixed doubles.
Gipasiugda ni Eala nga ang Asian Games mahitabo lamang matag upat ka tuig, mao nga gusto niyang suliton ang higayon nga makadula para sa Pilipinas
Photo Courtesy: Robinson Jr Velasco
