Nalingaw ang mga manan-away sa usa ka sungog-sungog nila Brent Manalo ug Darren Espanto atol sa It’s Showtime, diin misulod usab si Vice Ganda sa ilang sungogay.
Nagsugod ang tanan sa dihang giingon ni Brent nga maayo mosayaw si Darren tungod kay gikan kini sa The Voice. Apan nakabantay dayon si Vice nga daw adunay pagka-sarcastic ang tono ni Brent.
“Ay, parang ang sarcastic no’n ah, grabe,” matud ni Vice, samtang mitubag si Darren nga okay ra siya.
Apan wala mihunong si Vice sa pagpanungog ug miingon nga kinahanglan nilang mosukol kanunay sa komedyahanya. Tungod niini, misabay usab si Darren ug iyang gipahinumdom nga tungod sa iyang background sa The Voice, multi-talented siya.
Si Darren nahimong runner-up sa unang season sa The Voice Kids Philippines niadtong 2014 ug sukad niadto nagtukod og malampusong karera isip singer ug performer.
Wala usab magpada si Brent ug mipasabot nga siya usab “subok sa hamon ng buhay” tungod kay gikan siya sa Pinoy Big Brother. Si Brent naila sa mas daghang manan-aw isip usa sa mga personalidad nga gikan sa reality show ug karon kabahin na usab sa It’s Showtime* family. Apan ang pinakakusog nga banat ni Darren mao sa iyang pag-ingon “Parang wala ka naman ganap masyado do’n sa loob ng bahay?.
Mao kini ang nakapadugang sa kataw-anan sa ilang komedyahanay, nga nagpakita sa nagkadugang nga komportable nga panag-uban sa mga hosts sa programa.
Photo Courtesy: Kairo Sy
