Gipahayag ni Reina Hispanoamericana 2017 titleholder Teresita “Winwyn” Marquez ang iyang kasagmuyo sa pipila ka public officials samtang nagpadayon ang grabe nga pagbaha tungod sa habagat. Matud niya, kinahanglan ang mga opisyal magpakita og empathy, urgency ug humility sa pagtabang sa mga biktima sa baha.
Wala maghisgot og ngalan si Winwyn, apan gisaway niya online ang pipila ka opisyal sa Pampanga tungod sa ilang pamatasan ug sinina atol sa pagbisita sa mga gibahaan nga lugar.
Gipasiugda ni Winwyn nga bisan dili mapugngan ang mga kalamidad, mahimong maminusan ang ilang kadaot pinaagi sa hustong preparasyon ug mas maayong sistema. Iyang gitapos ang iyang mensahe sa panawagan: “Filipinos deserve better.”
Photo Courtesy: The Filipino Times
