Giusab sa University Athletic Association of the Philippines (UAAP) ang iskedyul sa ilang basketball tournament karong Setyembre aron hatagag dalan ang pag-apil sa pipila ka student-athletes sa mga pangkalibutanong kompetisyon uban sa Gilas Pilipinas. Lima ka gamedays lamang ang gipahimutang alang sa men’s ug women’s basketball gikan Setyembre 13 hangtod 30 human sa pormal nga opening ceremony sa Setyembre 12 sa Mall of Asia Arena.
Magsugod ang men’s tournament sa Setyembre 13 sa Smart Araneta Coliseum pinaagi sa sangka sa Far Eastern University ug Adamson University sa udto, nga sundan sa dula sa defending champion De La Salle University batok National University, ug ang pag-atbang sa University of the Philippines ug University of Santo Tomas. Magpadayon ang mga dula sa Setyembre 16, 19, 26, ug 30 sa Araneta ug MOA Arena.
Gihimo ang maong adjustments samtang nangandam ang pipila ka UAAP players para sa 20th Asian Games sa Nagoya, Japan (Setyembre 21 hangtod Oktubre 4) ug sa FIBA 3×3 U23 World Cup sa Wuhan, China (Setyembre 15 hangtod 19). Gipahayag sa Samahang Basketbol ng Pilipinas (SBP) ang ilang pagpasalamat sa UAAP sa suporta aron makaalagad sa nasod ang mga kabatan-onang Atleta
Photo Courtesy: @uaap.official IG
