Napugos sa pagbakwit ang liboan ka pamilya sa Central Luzon tungod sa grabeng pagbaha nga misunod sa habagat, bisan pa sa mga proyekto sama sa river dredging ug flood-control structures.
Subay sa datos, sa Zambales niabot sa 14,052 ka indibidwal ang namakwit, samtang 31 na ang namatay sa tibuok rehiyon tungod sa epekto sa habagat.
Samtang sa Bulacan, 15 ka indibidwal ang namatay ug tulo ang nasamdan sukad niadtong Agosto 10, ug ang tanang 23 ka lungsod ug siyudad naapektuhan sa baha.
Nunot niini nga panghitabo, nag-rally ang 34 ka people’s organizations nga nanawagan og mas epektibong flood-control measures, pagpanubag sa mga responsable sa kontrobersiya sa flood-control projects, ug mas lig-on nga pagpanalipod sa kinaiyahan.
Photo Courtesy: Philippine Information Agency
