Nakasinati ang usa ka 19-anyos nga dalaga nga si Inday og cryptic pregnancy human niya mahibal-an nga siyam na ka bulan diay siyang nagbuntis ug hapit na manganak, nga wala kini makasinati og morning sickness og mga simtomas sa pagbuntis lakip na ang pagdako sa tiyan.
Sa sinugdan, iyang gituohan nga ordinaryong menstrual cramps lamang ang grabeng kasakit nga iyang gibati sa pus-on. Apan samtang misamot ang kasakit, didto niya nasayran nga panahon na diay sa iyang pagpanganak.
Sa wala damha nga higayon, malampuson niyang gipanganak ang usa ka himsog nga bata, ug mao usab kini ang unang higayon nga hingpit niyang nahibaloan nga nagbuntis diay siya.
Ang ingon niini nga kahimtang mahimong mahitabo ang pagmabdos dili dayon mamatikdan tungod sa dili klarong sintomas o uban pang hinungdan.
Gipahinumdoman usab ang publiko nga ang dili regular nga pagdugo o pagkawala sa kasagarang sintomas dili garantiya nga walay pagmabdos. Kung adunay pagduda, mas maayong mokonsulta sa healthcare professional alang sa hustong pagsusi.
Photo Courtesy: Matik
