Nakasakmit og duha ka sunod-sunod nga international beauty pageant titles ang Pilipinas niadtong Agosto 30, 2026. Gikoronahan si Margarette Briton, 26 anyos, isip unang Miss Interglobal 2026 sa kompetisyon nga gipahigayon sa Bali, Indonesia.
Nakadaog usab siya og upat ka special awards, lakip ang Star Connect Award, Social Impact Award, Dinner Dress Award, ug National Costume Excellence Award.
Samtang, naghimo og kasaysayan si Jamie Casiño, 28 anyos, isip unang Filipina nga nakadaog sa Miss Equality World 2026 nga gipahigayon sa Bangkok, Thailand.
Gidala usab ni Casiño ang The Voice of Equality Award tungod sa iyang lig-on nga pagbarog alang sa gender equality, human rights, ug pagpanalipod sa transgender community. Ang duha ka kadaugan dugang nga garbo alang sa Pilipinas sa international pageantry.
Photo Courtesy: Instagram
