Nagpabiling lig-on si Barbie Forteza sa iyang baruganan bahin sa cheating ug paghatag og ikaduhang higayon sa usa ka relasyon. Sa iyang panag-istorya sa Fast Talk with Boy Abunda, gipahayag ni Barbie nga para kaniya, dili na angay hatagan og second chance ang mga tawo nga mangilad sa ilang partner, ilabina kung ang ilang gihatag sa relasyon kay “bare minimum” lamang.
Matod pa ni Barbie, natudloan siya sukad pa kaniadto nga hatagan importansya ug higugmaon ang kaugalingon. Mao usab kini ang iyang gihimo pinaagi sa paghatag og panahon ug pag-atiman sa iyang kaugalingon.
Sumala niya, kung iyang gipili ang usa ka tawo nga dili man gani niya kadugo ug walay obligasyon nga higugmaon siya, apan gilimbongan gihapon siya, lisod alang kaniya nga dawaton kini.
Dili niya gusto nga mausik kini sa usa ka tawo nga dili makahatag og respeto ug pagkamatinud-anon sa relasyon. Para kang Barbie, ang paghigugma sa laing tawo kinahanglan magsugod usab sa pagrespeto ug paghatag og bili sa kaugalingon.
Photo Courtesy:@barbaraforteza instagram
