Pormal na nga gisaulog ang ika-56 nga Charter Day Anniversary sa siyudad sa Surigao, nga puno sa garbo, pasalamat, ug kalipay, Agosto 31, 2026. Alas 6:00 sa buntag gipahigayon ang Santos nga Misa sa San Nicolas de Tolentino Cathdral nga gitambongan ni Mayor Paul Dumlao II, Vice Mayor Alfonso Casurra ug mga membro sa Sanguniang Panlungsod ug mga kawani sa City Hall.
Sa kasaysayan balik-tan-aw tuig 1655 – Ang Surigao nahimong usa ka lungsod (town) sumala sa mga historador. 1751 – Nahimo kining sentro sa administrasyon sa karaang Probinsya sa Surigao.
Hunyo 19, 1960 – Gibahin ang karaang Probinsya sa Surigao ngadto sa Surigao del Norte ug Surigao del Sur pinaagi sa Republic Act No. 2786. Ang Municipality of Surigao nahimong kapital sa Surigao del Norte.
Agosto 31, 1970 – Opisyal nga gihimo nga chartered city ang Surigao pinaagi sa RA 6134.
