Napalit na sa singer-songwriter TJ Monterde ang lote para sa iyang asawa nga si KZ Tandingan, diin ilang planong tukoran sa ilang dream home. Nagbalik lantaw si TJ sa iyang mga kalisdanan isip artist, ilabina niadtong 2023 diin nangutana siya sa Ginoo kung kutob na lang ba sa pagbayad sa ilang kuryente ug tubig ang iyang kita.
Nakahimo hinuon siya sa pagpalit sa ilang gipangandoy nga lote tulo ka tuig lamang human niadtong panahona. Matud niya, regalo niya kini kang KZ ug siya mismo ang motukod sa ilang pangandoy nga balay.
Gipalig-on ni TJ ang iyang istorya isip pagdasig sa mga tawo nga nag-atubang og kalisdanan, ug nagpahinumdom nga lahi ang timing sa Ginoo kumpara sa atong kaugalingong panahon.
Photo Courtesy: Instagram
