Nipirma og bag-ong kontrata si Robert Bolick uban sa NLEX Road Warriors aron magpabilin sa team, kini base sa gipahibalo sa Road Warriors pinaagi sa ilang Facebook post niadtong Miyerkules.
Sumala pa, si Bolick usa sa mga nag-unang playmaker sa NLEX ug nakatabang sa team sa pagkab-ot sa 7-2 nga rekord sa Governors’ Cup.
Samtang break ang PBA ug nag-ensayo si Bolick uban sa Gilas Pilipinas alang sa Asian Games, nakab-ot sa duha ka grupo ang kasabutan alang sa iyang pagpabilin sa NLEX.
Lauman nga mahimong bahin siya sa Gilas Pilipinas nga motarget sa bulawang medalya sa Asian Games.
Photo Courtesy: PBA Rush
