Gihimo sa Hyundai ang usa ka higanteng mensahe sa Delamar Dry Lake sa Nevada niadtong 2015 aron matuman ang pangandoy sa batang si Stephanie nga makapadala og mensahe sa iyang astronaut nga amahan nga si Terry Virts.
Migamit og 11 ka Genesis cars aron makahimo og dagkong tire tracks nga nagsunod sa sinulat-kamot ni Stephanie nga mensaheng, “Steph Loves You!”. Mikabat sa kapin 5.5 million square meters ang nahimong hulagway, nga giila sa Guinness World Records isip pinakadakong tire-track image niadtong panahona.
Nakita ug nakuhaan kini og hulagway ni Virts gikan sa International Space Station, gatusan ka kilometro ibabaw sa kalibutan. Ang maong talagsaong proyekto nahimong espesyal nga paagi sa usa ka anak sa pagpahayag sa iyang gugma ngadto sa iyang amahan.
Photo Courtesy:TOP10s
