Sikop ang usa ka 101-anyos nga lola sa Nigeria tungod sa giingong pagbaligya og marijuana. Sumala sa National Drug Law Enforcement Agency o NDLEA, si Esther Ogunmabo nadakpan sa Ogun State, diin nakuha gikan kaniya ang 90 gramos nga cannabis nga gibahin sa gagmayng sachet.
Giingon ni Ogunmabo nga misulod siya sa pagbaligya og iligal nga droga human masunog ang iyang tindahan. Gipagawas siya ubos sa piyansa ug gihatagan og counselling tungod sa iyang katigulangon. Ang iyang anak, nga giingong supplier sa cannabis, gidakop usab.
Photo Courtesy: NDLEA
