Padayon ang Zamboanga del Sur Police Provincial Office (ZSPPO) sa pagpakig-coordinate sa mga eskwelahan sa probinsya alang sa pagpalig-on sa seguridad, ilabina human sa mga nahitabong school shooting incidents sa Tacloban ug Zamboanga City.
Matud ni ZSPPO Provincial Director PCol. Bonifacio Arañas Jr. nga kabahin sa ilang mga lakang ang mas hugot nga koordinasyon tali sa kapulisan ug mga school administrators, lakip ang pag-monitor sa mga posibleng hulga ug pag-andam sa hustong pagtubag kung adunay emerhensya.
Sumala ni PCol. Arañas, aduna na usab silay koordinasyon tali sa DEPED-9 UG NAPOLCOM-9 alang sa pagpalig-on sa crime prevention ug safety programs sa mga eskwelahan sa Zamboanga Peninsula.
Gipasalig usab sa ni Arañaz nga kanunay andam ang kapulisan sa pagresponde kung adunay mahitabong kaguliyang, ilabina tungod sa regular nga police patrol ug police visibility sa nagkalain-laing lugar sa probinsya.
Gilauman nga mas palig-onon pa sa kapulisan ug mga eskwelahan ang ilang koordinasyon, police visibility, threat assessment ug emergency response aron masiguro ang kaluwasan sa mga estudyante, ug mga magtutudlo.
