Naglunsad ang Bangko Sentral ng Pilipinas o BSP og technical assistance nga gitumong sa pagtabang sa mga kwalipikadong rural banks nga mobalhin gikan sa karaang information technology systems ngadto sa cloud-based core banking platforms.
Kabahin niini ang Rural Bank Strengthening Program Digitalization Technical Assistance, diin hatagan og suporta ang mga kwalipikadong rural banks sa pagpatuman ug multi-year subscription sa Software-as-a-Service o SaaS core banking system.
Gilauman nga makatabang ang programa sa pagpalambo sa operational efficiency, business continuity, cybersecurity ug regulatory compliance sa mga rural bank, samtang mapalig-on usab ang ilang kapasidad sa pag-atubang sa nagkadako nga paggamit sa digital financial services.
Apil sa suporta ang system configuration, data migration, system integration, testing, user training ug technical support. Ang mga benepisyaryong bangko makadawat usab og 36 ka bulan nga subscription alang sa cloud infrastructure, security, maintenance ug system updates.
Apan dili awtomatikong kwalipikado ang tanang rural banks. Kinahanglan nilang matuman ang mga requirements sa BSP, lakip ang minimum capital requirements, hustong risk management ug pagkaandam sa ilang personnel, proseso, connectivity ug IT infrastructure.
Sumala sa BSP, tumong sa maong inisyatiba nga mapalig-on ang kalig-on, seguridad ug kompetisyon sa rural banks samtang padayon nga nag-uswag ang digitalization sa financial sector.
Photo Courtesy: Fintech News Philippines
