Nagpadayon ang hinay nga pagsaka sa auto sales sa pilipinas niadtong buwan sa Huly, kun itandi sa miaging bulan. Giila kini sa industriya isip labing kusog nga bulan sa 2026 hangtod karon, apan nagpabilin gihapon nga ubos ang sales kun itandi sa lebel sa 2025.
Gipakita sa datos gikan sa Chamber of Automotive Manufacturers of the Philippines Inc. (CAMPI) ug Truck Manufacturers Association Inc. (TMA) nga ang ilang mga kompanya nga miyembro nakabaligya og 37,319 ka sakyanan sa Hulyo, 2.5% nga mas ubos kun itandi sa 38,295 ka unit nga nabaligya sa samang bulan niadtong miaging tuig.
Bisan pa niini, gamay kini nga pagsaka gikan sa 37, 309 ka unit nga nabaligya niadtong Hunyo 2026. Kung iapil ang gibanabana nga halin sa mga brand nga dili miyembro sa maong mga grupo, miingon ang CAMPI ug TMA nga ang kinatibuk-ang halin sa mga sakyanan sa Pilipinas miabot sa 42, 880 ka mga unit sa Hulyo, nga mao ang labing taas nga binulan nga halin sa 2026 hangtod karon.
Photo courtesy: TMA
